Senin, 31 Desember 2012

Sirno Tan Biso Ketulungan

Jeng...

Udan grimis sore iki nggowo angin gilir gumanti
Ora koyo wingi kang kebak pangarep-arep
Kanggo opo ora leren tak getuni
Yen nyatane lemah wes kadung teles

Sak umpomo aku biso nglarang
Nerang udan seng kadung deres iki
Tak tunggu ing ngesor payung katresnan
Tak derek'ake lakumu tumekan ngendi

Nanging...

Yen nyatane mangkono karepmu
Aku trimo kanthi ngelus dhodho
Mung siji kang dadi panyuwunku
Ojo nganti luh tumetes ing pipimu

Lakon kapungkur kang wus kliwat
Dadekno pangeling-eling
Sejatine sliramu jeng...
Selawase tak ukir ing jero manahku

Nanging....

Naliko Gusti kerso ngowahi garising takdir
Ojo pisan-pisan kuatir
Tresnku tan ora binagi ing liyan
Sampurno ing guritan siji


Share this post
  • Share to Facebook
  • Share to Twitter
  • Share to Google+
  • Share to Stumble Upon
  • Share to Evernote
  • Share to Blogger
  • Share to Email
  • Share to Yahoo Messenger
  • More...

12 engkang sampun komentar: