TKI Kesuksesan Fatamorgana

Urip ono ing deso opo sing iso diandalne kejobo sawah lan tegalan, sing dadi pekerjaan lan penghasilan utama wong ndeso sebagian besar lan roto-roto mesthilah dadi petani. Pegawai, wira swasta, paling yo mung 10%, penak'e omong 75% lah jumlah prosentase petani ing deso. Wong tani urip songko sawah, anggep wae telung wulan pisan panen, kepotong biaya garap sawah lan persiapan modal tanam selanjutnya paling-paling penghasilan bersih petani iku 3juta per 3bulan, artine 1juta/bulan, opo yo cukup duit semono kanggo nguripi keluarga lan kebutuhan saben dino? jawabane kurang.

Mongko alternatife sing sampek saiki dianggep sukses yoiku dadi TKI/TKW utowo istilah populere saiki arane BMI "Buruh Migran Indonesia" dadi buruh tapi dianggep sukses yen muleh ing deso. Dadi wong ndeso(petani) yen ora ndue sawah sak hektar abot yen mung arep mbangun omah, padahal roto-roto petani saiki iku mung ndue sak kotak sawah,seper pitu kotak, sak uripe ngopeni sawah mung entek dipangan thok kok arep mbangun omah, iso sih iso tapo ngoyo. Wira usaha gak ndue ketrampilan, ngalamar pegawai smp ae meh gak lu2s. Mongko alternatif sing paling memungkinkan dan menguntungkan yo melu dadi BMI kui maeng.

Bener emang dadi TKI iku penak, kerjo setengah tahun ae wes balek modal, iso-iso dadi wong sugeh kelas ndeso, patang taun dadi TKI iso gae omah magrong-magrong, tumpak'ane iso sing paling jos, padahal mung mbabu penggaweane, ijasah pas-pasan nanging penghasilan gedhe.

Tapi yo ojo lali dampak negatipe, dampak sosial sing terutama, anak gak keurus rawan broken home, kecurigaan lan ketidak percayaan terhadap pasangan mesthi meningkat, bener TKI penghasilan akeh tapi yen muleh kok tetep wae pol-polane parane nyang sawah, maklum kreativitas nol SDM rendah.

Kualitas iman seng perlu dipertanyakan, terutama TKW, muleh-muleh rambute kobong (Lha abang je...) Pupune iso maleh empan tur sulap disawang, terus demen pamer lekek. Lego seh sak jane, tak akoni aku yo seneng lo nyawang, tapi kok...mbok ya eling urip neng ndeso opo yo gek pas koyo ngono kui.

Direwangi kursus dadak'an, paspor visa palsu, urung cukup umur pileh nekat ganti KTP, gak nduwe cukup bekal, tapi yo seng jenenge modal nekat iku emang iso ngalahne sak sembarange, nanging yo kudu siap mental lan iso jogo awak, yen gak iso yo kudu siap nanggung resiko koyo to kekerasan lan tragedi sing wis kepungkur.

Nah...yen ternyata kedadeyan tenan kasus koyo sing wis kliwat ojo pisan-pisan sampean ngarep-arep bantuan pemerintah. Sing butuh, sing kepingin, sing gelem, sing karep dadi TKI iku yo sampean dewe, nekatmu kudu diimbangi mental baja, salah-salahmu dewe budal dadi TKI, ilegal pisan, Lha kok ing tembe mburine nyalahne pemerintah sing harus bertanggung jawab, terus ngarani ora gelem melidungi wargane, yo remok lah lek carane koyo ngono kui, menange dewe iku jenenge.

Okelah, sukses dadi TKI iso mbangun omah, iso tuku sepedah montor anyar, tapi lek wes muleh mburuh kok sek tetep nyang sawah parane berarti urung iso diarani sukses, kesuksesan semu sing katon endah disawang wong liyo tapi asline luweh parah, bayare akeh tapi awak luweh remok, nyatane ora bener-benr iso ngrubah nasib tapi mung nuruti kepinginan sesaat seng ora iso dicapai kelase wong ndeso kejobo yen ora mbabu.

Terus solusine mantan BMI piye? aku mung ndue gagasan lan sebatas ide doank, yen kepingin diakoni sukses dadi TKI kudune ora age-age hasil kerjo mburuh iku diwujudke barang seng ketoro koyo to mbangun omah, tuku lemah, utowo tuku kendaraan, kudune penghasilan seng lumayan gedhe iku diwujudake modal saham, yo paling ora dadi modal nggae lapangan kerja anyar, minimal iso dadi penghasilan baru sak wise muleh dadi BMI, luwih apik yen iso bukak lapangan pekerjaan kanggo wong liyo, sehinggo wong liyo ora perlu dadi TKI kerono pengangguran gak enek lowongan pekerjaan neng Indonesia. Halah, tapi yo lek dipikir wong iku duit-duite dewe opo yo gek kita sebagai wong liyo ndue hak ngatur piye karepe para TKI ben gelem ngeguhne duit hasil kringete dek'e dewe iku. isone iso....tapi angel...